லண்டனில் இலங்கை முஸ்லிம்கள் நலன் பேணும் அமைப்பு
பிரிட்டனில் வாழும் இலங்கை முஸ்லிம்கள் ஒன்றிணைந்து ஸ்ரீ லங்கா முஸ்லிம் புலம்பெயர் அமைப்பு பிரிட்டன் – Sri lanka Muslims Diaspora initiate uk என்ற ஒரு சமூக நல அமைப்பை உருவாக்கியுள்ளனர் இந்த அமைப்பு பல கட்ட உருவாக்க செயல் அமர்வுகளுக்கு பின்னர் கடந்த சனிக்கிழமை லண்டன் வைத் சப்பெல் மஸ்ஜிதில் உருவாக்கப்பட்டுள்ளது அங்கு கூடிய பிரிட்டனில் வாழும் இலங்கை முஸ்லிம்களில் ஒரு சாராரினாலேயே ஸ்ரீ லங்கா முஸ்லிம் புலம் பெயர் அமைப்பு உருவாக்கப்பட்டுள்ளது.இந்த அரச சார்பற்ற அமைப்பு மாறிமாறி வரும் இலங்கை அரசாங்கங்களுடன் நல்லுரவை பேணுவதன் ஊடாக பிரிட்டன் மற்றும் இலங்கையில் வாழும் இலங்கை முஸ்லிம்களின் சமூக, கலாச்சார விடையங்கள் தொடர்பாக கவனம் செலுத்துவதுடன் இலங்கை முஸ்லிம்கள் தொடர்பான நலன் பேணும் அமைப்பாகவும் செயல்படவுள்ளது என்று அறிவிக்கப்பட்டுள்ளது, இதன் தற்போதைய தலைவராக எம் .எல் .நஸீர் (பொலநறுவை ) என்பவரும் , பொருளாளராக நஜாஹ் முஹம்மத் (இஸ்லாஹி) என்பவரும் ஊடகம், மற்றும் மக்கள் தொடர்பாளராக அய்ஸான் மஹ்மூத் அப்துல்லாஹ்(புத்தளம் ) என்பவரும் தெரிவு செய்யப்பட்டுள்ளனர் என்பது குறிபிடத்தக்கது
